Kystmuseet i Øygarden Kystmuseet i Øygarden er eit kulturhistorisk museum for kystkulturen i Hordaland. Museet er eit økomuseum som tek vare på og formidlar historia om natur og kulturminne. Sjølve hovudbygningen gjer assosiasjonar til dei store sjøhusa og ligg ved den gamle dampskipskaia i Ovågen. Her finn du kafe, utstillingar og auditorium kor me syner kulturistoriske filmar. Museet har fleire naust og ei stor saltebu frå tida det var rikt sildefiske. Ved museet ligg eit særeige sjøbruksmiljø med over 20 ulike sjøhus og naust. >> Museet på kartet Museumskafe Museumskafe med flott utsyn over vågen og den gamle dampskipskaia. Her kan me tilby tradisjonsmat, som nysteikte lappar med rømme og syltetøy eller anna heimebakst. Grupper må gjera avtale om servering. Museumsbutikk I butikken vår, ”Sjurvika”, kan de få kjøpt kvalitets- produkt frå Oleana, Havstad Tinn og Stana Tredreiing. Frå vårt vareutval kan me tilby kulturhistoriske bøker, akvarellar (originalar og trykk), papirdokker, keramikk og postkort. Auditorium Auditorium med 49 sitjeplassar med mulighet for PC-tilkobling, overhead, flipover og AV-utstyr. Vising av historiske filmar i opningstida og etter avtale.