Fast utstilling Hav og vind – jord og eld Utstillinga gjev små glimt frå det lange tidsrommet Øygarden og Vestlandet har vore busett. Den presenterar energibruken og ressursutnyttinga i fire typar samfunn i Øygarden gjennom 10 000 år: Jeger- og sankarsamfunn frå steinalder til bronsealder, fiskarbondesamfunnet frå bronsealder fram til 1900-talet, industrisamfunnet frå første halvdel av 1900-talet fram til dagens oljesamfunn. Desse samfunna skil seg frå kvarandre i energibruk og miljøproblem. Øygarden har eit særeige landskap forma av geologiske krefter og menneskeleg påverknad gjennom mange årtusen. Dette landskapet er også lik store delar av kysten på Vestlandet. Livssett og næringsvegar er forma av naturen, men og av menneskja si verksemd over ein lang periode. Busetnaden i Øygarden har gjennom heile førhistoria og fram til i dag, vore sterkt knytt til og avhengig av havet. Samstundes er Øygarden eit særs vêrhardt strok av kysten. .